The Cave - Mumford & Sons

Vá, hvað ég myndi aldrei meika það að vera heimavinnandi húsmóðir.
Aldrei, aldrei.

Ég er búin að vera atvinnulaus núna í tæplega mánuð og ég er að verða geðveik.
Ég er ekki gerð fyrir svona rútínuleysi.

Mamma er samt alveg svona lúmskt sátt með að ég sé ekki að vinna.
Ég hef nefnilega tekið að mér þvott, tiltekt og matarinnkaup heimilisins að miklu leyti.
Jafnvel eldamennsku.

Ég hef reyndar ekki eldað kvöldmat fyrir familíuna síðan ég gerði súpuna hérna um daginn.
...og skildi eftir blóðpolla út um allt eldhús.

Ég var sem sagt að munda rifjárn og skar mig á flugbeittum hníf sem er á því miðju.
Venjulega er hlíf yfir hnífnum, en af einhverjum ástæðum (Bergþóra gleymdi að setja hana á) var hún ekki á í þetta skipið.

Skurðurinn var nokkuð djúpur, eða um 0,5 cm á litla fingri.
Og mér sýnist að það eigi eftir að myndast ágætis ör.
Mér mun samt alveg takast að lifa með þessu.
Ég lofa. Haha.

Ég veit hins vegar ekki hversu lengi ég get lifað atvinnulaus.
Nú eru reyndar bara 15 dagar í InterRail.
Svo fer ég líklega bara beint í álverið, og svo beint í skólann.

Ég get samt ekkert kvartað of mikið yfir þessu atvinnuleysi því það var ég sem sagði upp vinnunni minni.
Ég ætla samt ekki að tjá mig frekar um það mál hér, fyrr en ég er búin að tala við Eflingu, og vonandi endurvekja trú mína á stéttarfélögum landins.

(Hvenær varð ég svona dramantísk).

Þetta er alls engin ást - Herkúles

Þetta tókst betur en ég hafði þorað að vona.
Í gær hélt ég sem sagt surprise afmæli fyrir Birgi, en hann átti afmæli á miðvikudaginn.

Ég er með lélegasta poker-face í heimi, en ég hafði samt ekki neinar áhyggjur af því að hann myndi fatta eitthvað því bróðir minn er jafn clueless og lítið barn sem fer upp í sendiferðabíll sem á stendur "frítt nammi".

Girnilegustu, og bestu, möffins sem ég hef bakað!

Ég ætla btw, alltaf að eiga svona krem inni í ískáp þegar ég kem heim úr bænum eftir djamm.
Þynnkubaninn 2010.

Ef einhver kemur með komment um að kremið líti út eins og hundaskítur þá er það nákvæmlega það sem viðkomandi fær á sína möffins í næsta afmæli!

Allavega.
Gunnar og Birgir fóru í pool um 19:30 og ætluðu að koma aftur kl. 21:00.

Kl. 21:07 fékk ég sms frá Gunnari um að þeir væru að keyra niður Eyralandið en þá vorum við öll komin á okkar staði með blöðru í hönd.

"Sörpræs".

Svo byrjaði bara partýið.
Bjórinn flæddi og fólk minglaði.

Ég ætla að finna restina af kreminu.
Heyrumst.

Conductor - We Were Promised Jetpacks

Anna Marsý í Danmörku.
Fjóla á Akureyri.
Fríða í London.
Gerða í Frakklandi.
Kjartan í Noregi.

Svo er Anna Hill á leið til Danmerkur í haust.
Og Hildur að fara til Eþíópíu í ágúst.

Ég kann ekki að meta þetta!

En hvað um það...
Það verður endalaus gleði og hamingja í kvöld.
Ég hlakka til :).

Costume Party - Two Door Cinema Club

Tileinkað ma femme française.
Hlakka til að sjá þig!

Ég verð að fara að rifja upp frönskuna maður!

Swim Until You Can't See Land - Frightened Rabbit

ÉG

ER

SVO

SPENNT

!

Um leið og ég er búin með kaffibollann minn (lesist: Um leið og ég vakna) þá ætla ég að gera lista yfir það sem ég þarf að hafa með mér og googla smá um Spán, Frakkland, Ítalíu, Sviss, Þýskaland og Pólland.

Half Mast - Empire Of The Sun

Kvöldmaturinn minn:

Bara tvær mínútur til stefnu!

In The Lap Of The Gods...revisited - Queen

Ég trúi ekki að ég sé í þann mund að vitna í Cameron Diaz...
En hér kemur það samt:

"Your regrets aren't what you did, but what you didn't do."

Góða helgi.
Kv. gellan sem er ekki lengur veik!

I Will Possess Your Heart - Death Cab For Cutie

Það hentar manneskju eins og mér, sem er með krónískan njálg í rassinum (ath. ekki bókstaflega samt) ákaflega illa að vera veik.

Meika ekki að vera pulsa í svona langan tíma.

Þess vegna hef ég ákveðið að hætta að vera veik á morgun.
Og verða awesome í staðinn...

*

Við Players-stelpur hittumst aftur í gær.
Ætluðum að spila Monopoly og/eða Heilaspuna eeeen við gleymdum okkur í spallinu.
Ekki í fyrsta sinn.

En þetta var þó mjög vel heppnað Pálínuboð eins og venjulega:

Múslíbrauðið sem ég bakaði.

Of góða marengskakan hennar Villý.

Þessar voru allavega sáttar.

Næst verður farið í Monopoly, ég mun sjá til þess!
Og þá verður Anna Marsý með... fæ ég læk á það eða?

Free As A Bird - The Beatles

Hæ, ég heiti Bergþóra og ég er veik.
Hæ, ég heiti Bergþóra og ég er andvaka.

En ég bæti mér það upp með poppkorni, heitu kakói og O.C.
3. sería for the win! Eða eitthvað í þeim dúr...

Ulysses - Franz Ferdinand

Óskarinn var í gær, og horfði ég á hann með öðru auganu.

Eins og flestir vita örugglega þá hef ég lítinn áhuga á fötum og tísku og að ég hef aldrei sýnt Hollywood stjörnum mikinn áhuga.

En ég sá einn kjól í gær sem fékk hjartað til að missa úr slag:

En það voru líka fleiri kjólar sem náðu nánast að bræða hemað hjarta mitt: