Caesar - I Blame Coco feat. Robyn

Helgin, sem átti að verða helgi þriggja djamma, varð að einskis djamms helgi.
En hún varð samt alveg helgin hin ágæstasta.

Á föstudaginn smakkaði ég sushi í fyrsta skipti.
Ó minn guð hvað það er gott!

Við Anna Hildigunnur fórum á Osushi í Iðuhúsinu því þar er, samkvæmt henni, besta sushi-ið.
Ég get ekki staðfest að það sé best, en gott var það allavega.
Ég sé alveg fram á að vera fastagestur þar...

Mmmm !!

Á Laugardaginn lögðum við frænkurnar María og Þórunn í smá ferð upp í Ölver til að heimsækja Hildi, sem er að vinna þar.

Svona miðar héngu á öllum hurðum og út um alla veggi.

Ungfrú Íslandsnudd?

Uppstoppaður páfagaukur... eitt það ógeðslegasta sem ég hef séð.

Kaldhæðni eins og hún gerist best.

Hveitibollur í boði Ölvers... og Justin Bieber auðvitað.

Hildur í netinu.

Eftir að hafa truflað Hildi í vinnunni, borðað matinn frá litlu stelpunum í Ölveri, bölvað í kristilegum sumarbúðum og gleymt okkur í leiktækjunum fór Þórunn með okkur til Akraness og sýndi okkur þann stórmerkilega kaupstað.

Á Akranesi fengum við okkur svo pizzu á einhverjum local stað þarna sem ég man ekkert hvað ég heitir, en hún var meganæs:

Ég lofa svo að fara að taka mig á í djamminu.
Þetta er engan veginn nógu töff!

Babe, I'm Gonna Leave You - Led Zeppelin

Toy Story 3 = Best, best best!

Fór á 3D með ensku tali.
Ætla að fara aftur og taka þetta old school - 2D með íslensku tali.

Half Mast - Empire Of The Sun

Í gegnum árin hefur hnetusmjör oft ratað inn á bloggið mitt.
Og ástæðan fyrir því er mjög einföld - Ég lifi fyrir hnetusmjör.

Hér áður fyrr var það aðeins Peter Pan hnetusmjör og annað hvort borðað ofan á brauð (engin sulta, takk) eða bara beint upp úr dollunni (algengast og best).

Crunchy - Mjög mikilvægt!

Núna kýs ég hins vegar hnetusmjör án kransæðastíflu.
En ennþá er það samt best beint upp úr dollunni.

Einhvern tímann var mér bent á að það væri gargandi snilld að hræra saman hreinu skyri og hnetusmjöri og hef ég verið háð því síðan.

Nýjasta æðið hjá mér er að blanda saman hnetusmjöri og túnfiski.
Ég veit. Þetta hljómar ekki vel.
En trúið mér, ef þú diggar hnetusmjör og ef þú fílar túnfisk þá munt þú elska þessa blöndu.
Og um að gera að hafa nóóóg af smjerinu.

Túnfisks-hnetusmjörsgummsið sem ég kjammsaði á áðan.
(Mögulega ógirnilegsta matar-mynd sem ég hef tekið).

Annars held ég að allt sé gott með hnetusmjörinu góða.
Er að hugsa um að prófa að skella því í hafragrautinn á morgun...

*

Frekar áhugavert að ef þú skrifar "hnetusmjör" í myndaleit Goggle þá færðu mynd af mér...

Little Lion Man - Mumford & Sons

Ég var að skoða bíósíðurnar í Morgunblaðinu í vinnunni um daginn og fattaði þá að ég hef ekki farið í bíó í tæplega ár.

Síðasta mynd sem ég sá í bíó mun vera Hangover !

Eftir að hafa verið grýtt af hneyksluðum samstarfsmönnum mínum ákvað ég að þessu yrði ég að kippa í liðinn og stefni því á að fara á Toy Story 3 á morgun.

Finnst það vera fullkomin mynd til að missa nánast endurfæddan bíó-meydóminn...

Not For All The Love In The World - The Thrills

Ég var að skoða facebook síðuna 'Dagbók borgarstjóra' rétt í þessu og sá þá eftirfarandi mynd sem ég kannaðist ískyggilega mikið við:

Ég var eiginlega bara mjög viss um að ég hefði tekið þessa mynd...

En svo áttaði ég mig á því að fyrir ári síðan tók ég mynd á nákvæmlega sama stað:

Eðlileg eftirtektarsemi?

What if? - Bombay Bicycle Club

Var að klára lokaþáttinn af Glee.
Glee.
Best.

*

KR-FH í gangi.
KR.
Best.

*

Búin að hlusta á nýjustu plötu Bombay Bicycle Club, I Had The Blues But I Shook Them Loose, endalaust í dag.
I Had The Blues But I Shook Them Loose.
Best.